Category Archives: Dard Shayari

Koi kaanta mere dil mein chubho jaye to acha hai,

Koi kaanta mere dil mein chubho jaye to acha hai,

Koi kaanta mere dil mein chubho jaye to acha hai,

Hamesha ke liye woh mujhse kho jaye to acha hai,

Rakhen ge is tarah dhoke se kab tak khawab ankhon mein,
Jo hona kal hai woh sab aaj ho jaye to acha hai,

Kabhi sheher-e-tamana ne kabhi kisi ne phool paaye kya,
Yeh titlee soch kar kaanton per so jaye to acha hai,

Kayi din se mere ghar ke dar-o-deewar hain viraan,
Kisi ke wasl ki baarish jo ho jaye to acha hai,

Jahan par phool khilte they wahan ab khaak urrti hai,
Mere seeney pe jugnu beej bo jaye to acha hai,

Mein pathar ho gaya hoon gham se aesa reh nahin sakta,
Agar barish mera chehera bhigo jaye to acha hai,

Yeh maana hijrtain is gaaon se zaroori hain,
Meri basti mere andar samo’o jaye to acha hai,

Mein ab ke chahta hoon yeh ke is saawan jo barish ho,
Puraney mausmon ke rang dho jaye to acha hai,

Bhanwar se bheek mangey ga? Teri fitrat nahin Sahir,
Tu kashti aap hi apni dabo’o jaye to acha hai…

Mein khawhishon ki l’ey mein gaata chala gaya,

Mein khawhishon ki l’ey mein gaata chala gaya,

Mein khawhishon ki l’ey mein gaata chala gaya,

Mein khawhishon ki l’ey mein gaata chala gaya,
Yu’n zindagi ka saath nibhata chala gaya,

Har saans se hua marne marne ka hauslaa,
Jeene ka khauf hum ko satata chala gaya,

Jis jis tarah bhi waqt ne kiya hum se nibah,
Wese hi waqt hum ko banata chala gaya,

Mere qalam mein us ka koi lamss tha chupa,
Woh harf harf mein jo samaata chala gaya,

Thi us ki aarzu ke mein chota nazar aaon,
Woh fasilon ko aur barhaata chala gaya,

Barsat mein kabhi, Kabhi sardi ki raat mein,
Mausam koi bhi aya, Rulata chala gaya,

Lehron ke zarf ne unhe saahil pe aa rakha,
Khat us ke pharr daley, bahata chala gaya,

Tahir ko tu ne somp di purkaar-e-zindagi,
Woh daayer’on mein jis ko ghumata chala gay..

Woh hijar to deta hai judai nahin deta

Woh hijar to deta hai judai nahin deta

Woh hijar to deta hai judai nahin deta

Woh hijar to deta hai judai nahin deta,
Kya tarfa tamasha hai bhujai nahin deta,

Mehsoos to hota hai rag-e-jan mein hi aksar,
Woh dard ka naghma jo sunaayi nahin deta,

Hain bhool bhulayi’an bhi ke rasta nahi milta,
Yeh sheher-e-sitam’gar hai rehayi nahin deta,

Tum ne kabhi socha hai ke parwana-e-nayab,
Khamosh hi marta hai duhaayi nahin deta,

Is dabr-e-harabat mein nuksaan yeh Sahir,
Jo deed ke kaabil hai dikhayi nahin deta..

Kaheen Charaagh Hain Roshan, Kaheen Pe Maddham Hain

Kaheen Charaagh Hain Roshan, Kaheen Pe Maddham Hain

Kaheen Charaagh Hain Roshan, Kaheen Pe Maddham Hain

Kaheen Charaagh Hain Roshan, Kaheen Pe Maddham Hain
Tumhaaray Aanay Ke Imkaan Hain, Magar Kam Hain

Mein Lout-tay Howay Chupkay Se Chhor Aaya Tha
Tumhaaray Takye Pe Mere Hazaar Mausam Hain

Tumhaaray Paon Ko Chhuu Kar Zamaana Jeet Liya
Tumhaaray Paon Nahi Hain, Ye Ek Aalam Hain

Mohabbatain Huween Taqseem Tou Ye Bhaid Khulaa
Hamaray Hissay Mein Khushian Nahi Hain, Maatham Hain

Kuch Isi Lye Bhee Hamain Dukh Se Dar Nahi Lagta
Hamaari Dhaal Tere Dard Hain, Tere Gham Hain

Abhi Kaho, Tou Abhee, Ye Bhi Tum Ko De Dein Ge
Hamaaray Paas Jo Ginti Ke Ek Do Dam Hain

Abhi Khulain Ge Bhalaa Kaisay Kaainaat Ke Raaz ?
Teri Kamar Mein Kayi Morr Hain, Kayi Kham Hain

Dil Buri Tarah Se Dhadakta Raha

Dil Buri Tarah Se Dhadakta Raha

Dil Buri Tarah Se Dhadakta Raha

Dil Buri Tarah Se Dhadakta Raha
Woh Barabar Mujhe Hi Takta Raha

Roshni Sari Raat Kam Na Hui
Taara Palko Pe Ek Chamakta Raha

Chhu Gaya Jab Kabhi Khayal Tera
Dil Mera Der Tak Dhadakta Raha

Kal Tera Zikr Chhid Gaya Ghar Me
Aur Ghar Der Tak Mehakta Raha

Raat Hum Maiqade Me Ja Nikale
Ghar Ka Ghar Shehar Me Bhatakta Raha

Uss Ke Dil Me To Koi Mel Na Tha
Mai Khuda Jaane Kyon Jhijakta Raha

Mutthiyaan Meri Sakht Hoti Gay
Jitna Daman Koi Bhatakta Raha

Tera Naam Ko Padhte Padhte Soya Tha
Raat Bhar Neend Me Sisakta Raha

Is Shart Pe Khelon Gi Piya Pyar Ki Baazi

Is Shart Pe Khelon Gi Piya Pyar Ki Baazi

Is Shart Pe Khelon Gi Piya Pyar Ki Baazi

Is Shart Pe Khelon Gi Piya Pyar Ki Baazi’
Jeeton To Tujhe Paon Haaron To Piya Teri’

Har Lehma Khayal Tera Rakhon gi Sirf Itna’
Beth JaonGi Tabeer Aisi’
Hans Jaon To B Teri Rooth Jaon To Bhi Teri’

Mein Saath Doon Tera Kuch Aisay Jaan-E-Jahan’
Zinda Rahon To Bhi Teri Mar Jaon To Bhi Teri

Ishq Ka Apna Ghuroor, Husan Ki Apni Anaa Hai,
Un Sy Aaya Na Gaya, Mujh Sy Bulaya Na Gaya.

Door Tak Chaahe The Baadal Aur Kahin Saaya Na Tha

Door Tak Chaahe The Baadal Aur Kahin Saaya Na Tha

Door Tak Chaahe The Baadal Aur Kahin Saaya Na Tha

Es Tarha Barsat Ka Mausam Kabhi Aaya Na Tha

Kya Mila Aakhir Tujhe, Saayon Ke Pichhe Bhag Kar
Ae Dil-E-Nadaan, Kya Tujhe Humne Samajhaya Na Tha

Uff Ye Sannatte Ke Aahat Tak Na Ho Jis Me Makhal
Zindgi Mai Es Qadar Humne Sakoon Paya Na Tha

Khud Roye Chhup Ke Ghar Ki Chaar Deewari Me Hum
Haal-E-Dil Kehne Ke Kabil Koi Hum-Saaya Na Tha

Ho Gaye Qalash Jab Se Aas Ki Daulat Luti
Paas Apne Aur Tu Koi Sarmaya Bhi Na Tha

Ab Khula, Jhonko Ke Pichhe Chal Rahi Thin Aandhiyaan
Ab Jo Manzar Hai Woh Phela Nazar Aaya Na Tha

Sirf Khushboo Ki Kami Thi Gaur Ke Kabil QATEEL
Warna Gulshan Me Koi Bhi Phool Murjhaaya Na Tha

Follow

Get every new post delivered to your Inbox.